Panbult boere verbeter pad

0
144
Boere doen dit self
Dit gaan moeilik wees om hierdie pad reg te ruk

Op Maandag 10 Augustus het die boeregemeenskap van Panbult saamgespan en begin om die Panbult pad na Amersfoort, vanaf Panbult, te skraap en oor te doen.

Volgens die boere, is die pad al vir jare lank in ’n haglike toestand en alhoewel hulle die situasie al baie gerapporteer het, het die rege-ring niks daaraan gedoen nie. Gedurende die reënseisoen is die pad amper onbegaanbaar.

Die boere is afhanklik van hierdie pad om aflewerings te doen, by die dorpe in hulle omgewing uit te kom en vir verskeie daaglikse aktiwiteite. Hulle dra al die onkostes van die herstel van die pad self en beplan om dit stuk-stuk te doen, vir so lank as wat die nodige fondse beskikbaar is, al neem dit ook ’n jaar of langer om te voltooi.

Boere doen dit self
Die boere dra al die onkostes van die projek self

Dit is ’n reuseprojek om aan te pak, maar noodsaaklik. ’n Ordentlike pad kan ’n groot verskil maak in die Panbult-boeregemeenskap se veiligheid en produktiwiteit.

Lees oor ander pad probleme in Piet Retief. 

Baie dankie aan elke boer wat ’n bydra maak tot hierdie projek. Julle maak ’n groot verskil en dit word opreg waardeer.